مقادير وطريقة البريوش....لي وعدتكم بيها ......وسمحولي ع التاخير كنت مشغولة

السلام عليكم ورحمة الله وبركاته

حبيباتي صح رمضانكم

وكل عام وانتم بالف خير وصحة وعافية

هادو المقادير مع الطريقة واسفة ع التاخير لانو كنت مشغولة بزاف

المقادير

جبتهم من عند وحدة راح نكتبلكم كيما كتبت بالتفصيل

السلام عليكن حبيباتي راح نقدملكم طبق حلو مليح مع قهوة العشية ولا للولاد يفطرو بيه الصباح واللي هو بريوش بطريقتي ساهل ماهل ومحشي بالشوكولا وباش نزيد بنة على بنة زدت حشيتو بلاكرام باتيسيا وزينتو بلاجولي والسكر قلاصي جربوه وراح تلقاو اسهل منو ماكاش والبنة نخلي الكلمة لكن

كاس حليب دافئ+مغرف كبيرة خميرة الخبز+4 مغارف كبارسكر +ملح حسب الرغبة + بيضة كاملة+2ملاعق كبيرة حليب غبرة او لحضة وادا مش موجود ماشي مشكل
خلطي كل المقادير

وزيدي كاس فرينة وخلطي بملعقة الخشب غطي الصحن بكيس وخليه 5د ثم زيدي باقي الفرينة + 1خميرة الحلوى وخلطي حتى تتحصلي على عجينة طرية
زيديلها 4 ملاعق زبدة التوريق ذايبة بالتدريج مع العجن

حتى تدخل الزبدة فيها مليح حتى تتحصلي على عجينة طرية ومطلوقة وتلصق في اليدين ماتخافيش لان عجينة البريوش تجي شوية مطلوقة وكي تختمر راهي تشد روحها
غطيها بالكيس وخليها تختمر

كي تختمر نزلي العجينة من غير ماتعجنيها

بالسكين قطعيها على2تم عل4 ثم على 8
تتحصلي على كويرات

شكليها حسب الصور بطريقة الاونفلوب اللي تخليها تجي خفيفة وهشة من الداخل
حلي الكويرة بشكل دائري وحطي قطع الشوكولا في الوسط

اغلقيها من ا
لمي الجيهتين واغلقي بصبعكلجيهتين

عدليها حتى تاخذ شكل البريوش
رشي البلاطو بالفرينة وحطي الحبات فيه وماتنسايش تحطي الجيهة اللي غلقنا منها لتحت

سخني شوية الفرن وطفيه ثم دخلي السنيوة اللي فيها الحبات في الفرن الدافي حتى يتضاعف حجمها انا خدات مني 45 دقيقة في التخمير شوفو النتيجة

خرجيها وسخني الفور مليح ملح ودخليها حتى تتحمر

شوفي طيابها من تحت

وفي الوقت هداك وجدي لاكرام باتيسيار انا شريت نتاع الاكياس زدتلها نصف لتر حليب و4كلاعق سكر وشوية فاني وحطيتها على النار مع التحريك المستمر حتى ثقالت خليها بردت وعاودت خفقتها واستعملتها للحشو

كي تطيب حبات البريوش خليها تبرد تماما لانها كل وين بردت كل وين تروح منها ريحة الخميرة وممكن حتى تعمليها في الليل وتخليها تبات وفي الغد مع الصباح تحشيها وتكملي تزينيها
كي تبرد حليها على الجنب بالسكين وعمريها بلاكرام باتيسيا

سخني شوية جولي وادهني بيها الوجه وادا مالقيتيهاش طيبي شوية عسل ثقيل وادهني بيه امممممم شوفو كيفاه يلمع

خليها تنشف شوية ورشي كمية من السكر قلاصي بالصفاية

عند التقديم زيدي رشيها مباشرة بكمية اخرى من السكر قلاصي

انتهى بعون الله وراني نستنى رايكم وتقييماتكم وتطبيقاتكم
وماتنساونيش بدعواتكم ليا بالذرية الصالحة

هاهو بالتفصيل كنت حابة نحط الصور مع الموضوع لكن الصور هبلوني ماحبوا يطلعوا

سلام وصح فطوركم

يعطيك الصحة حفيظة بصح وين الصور

السلام عليكم ورحمة الله تعالى وبركاته
طريقة الشرح رائعة

لكن اختي وشحال مقدار الفرينة بالضبط

وان شاء الله تتمكني من ادراج الصور

خاطر والله الفكرة مليحة

انا مش موالفة ندير البريوش علاهادي نخاف نطيبو
بارك الله فيك

وجزاك كل الخير

ورزقك الذرية الصالحة

الصور ماحبوش يطلعولي حاولت معاهم حتى عييت بصح ماحبوش يطلعوا

حبيبتي ميدو اسماء الفرينة انا درت حسب العين حت ولات عجينة لينة عندي لانو انا لقيت الوصفة كيما هاك بالضبط وحطيتهالكم كيما لقيتها

وان شاء الله نزيد نحاول مع الصور ولا تخافي انت فقط جربي لانو الوصفة ناجحة وانا جربتها قدش مرة

بارك الله فيك حبيبتي

سلام

العفو حبيبتي وفيكي بركة وشكرا على مروركي الطيب مثلك تسلمي

مشكورة اخدت الوصفة من احد المنتديات وجربتها عدة مرات يخرج روعة الوصفة ناجحة لما لقيت الوصفة حبيت نشجعكم عليها

يعطيك الصحة هى فعلا ناجحة واو

والله موضوع رائع ومفيد ، أتمنى لك التوفيق والسداد

» خياطة البساط مثل ما وعدتكم اخواتي
» مقادير المسكوتشو بالياغورت ....ليكم حبيباتي
» مقادير قاطو الطابع في خاطر كل حبيباتي لي طلبوه مني .....
» مقادير البسبوسة... لي خدمتها.... بلابيض بلا فرينة ...البسبوسة السورية ....