مقادير قاطو الطابع في خاطر كل حبيباتي لي طلبوه مني .....

السلام عليكم ورحمة الله وبركاته
حبيباتي كل عضوات المنتدى
ولي طلبوا مني المقايدر بصفة خاصة
هاهي ليكم كلها

المقادير

بيضات 4 او 5
انا درت 5

كاس سكر عادي
انا درت ثلث الكاس نتاع السكر لانو جدة مريضة ومالازمهاش حاجة حلوة

كاس زيت

خميرة قاطو عادي 2باكيات

قشور ليمونة

فاني مغرف صغيرة مش اكثر

وفرينة حتى تجملك العجينة وتولي لينة مش يابسة بزاف

طريقة التحضير

اولا وقبل كل شيء كي تكسري البيضات افصل زوج صفار خليهم بجهة ماتستعمليهمش

ضربي البيض الباقي مليح مليح كلوا مع بعض وضيفي السكر وخلطي مليح حتى يذوب السكر تماما ومنبعد ضيفي الزيت وخلطي شيئا فشئيا

ومنبعد قشور اليمون والفاني وخلطي مليح

وفالاخير الفرينة مع الخميرة بشوية حتى تولي عجيتنك لينة وتجمل مليح

ومنبد حليها مليح تكون بسمك خشين مش رقيق وشكلي الشكل لي تحبيه دوائر قلوب نجمات اي شكل

وادهنيها بصفار البيض وحطي فوقه اي شيء فرميسال شكولا او فرميسال ملونة او كيما درت انا جلجلان
وحطيها فالفور ماتطولش بزاف على درجة 180 او 200 انا بقاتلي ربع ساعة حمريها شوووووووية من فوق برك وخلاص

شهية طيبة ليكم وهادي صورة للتذكير بشكل القاطو

[img]